Jun 17, 2014

போதி நாற்காலி



போதி நாற்காலி

நாவிதன் கடை நாற்காலியில்
நேற்று எனக்கு ஞானம் கிடைத்தது. 
சதா காலமும் தலைக்கு மேல்
கத்தி விளையாடுவது போல்
இந்த வாழ்க்கை. 
கத்தி ஒரு போதும் நம் கையில் இருப்பதில்லை. 
நம்பித் தலையைக் கொடுத்துவிட்டால்
ஐம்புலன்களையும் அடக்கி
நடப்பதை அனுபவிக்கப் பழகிக் கொள்ள வேணும். 
என்ன ஆனாலும்
மயிரே போச்சு என்று இருத்தல் உசிதம்.
கழுத்தில் கத்தி படரும் நொடியிலும்
விழிப்போடு இருந்தால்
கருத்தில் கவிதை வரலாம்.
காரியம் முடிந்து கண்ணாடியில் பார்த்தால் 
எது நடந்ததோ
அது 
எப்போதும் நன்றாகவே நடந்திருக்கும். 

- மதி

படம் : நன்றி : Kenneth Tan

2 comments:

2008rupan said...

வணக்கம்

இரசித்தேன் நன்றாக உள்ளது.

-நன்றி-
-அன்புடன்-
-ரூபன்-

Asokan Kuppusamy said...

யதார்தமான வரிகள் நன்று

Post a Comment