Jun 12, 2012

சுத்தம் சோறு போடும்



வீட்டைச் சுத்தம் பண்ணி நாளாச்சு
குப்பைக்குள் கொஞ்சூண்டு
வீடு மீதமிருந்தது !

ஒரு வெள்ளிக்கிழமை
ரெண்டாம் சாமத்தில்
சடாரெனச் சுதாரித்துக் கொண்டு
மூக்கின் மேல் துணியைக் கட்டினோம்.

வீடு அதிர
விளக்குமாறு அதிர
ஆவேசமாய் என்றாவது
வீட்டைச் சுத்தம் செய்து
பழக்கம் உண்டா உங்களுக்கு ?

Jun 7, 2012

ஒரு நாத்திகன் ஓர் ஆத்திகன் ஒரு நரன்




"ஆதாரம் காட்டச் சொன்னால்
அவதாரக் கதைகள் சொல்லி
அதன் மேலும் பொய்கள் சொல்லி
அழுத்தித் திணித்தல்லவா
நம்பச் சொல்கிறீர் ?
நீர் செய்வது
மூளைச் சலவை "

"அவதூறு பழியெல்லாம்
அழகாய்ச் சபையில் பேசிவிட்டு
அன்றிரவே ஒளிவுமறைவாய்
'மனசுல வச்சுக்காத சாமி' என
கன்னத்தில் போட்டுக்கொள்ளும்
கபட நாடக நாத்திகர் தானே
நாட்டில் பலர் இன்று ?
நீர் செய்வது
பச்சோந்திச் செயல் "

"கடவுளே !
எப்ப்பிடியாவது
எனக்கு ஒரு
.....................
........................."